يا رب نعيش في حتة نضيفة ... أو على الأقل حتة تحترم آدميتنا
السلام عليكم ورحمة الله وبركاته
إمبارح كان ليا واحده صاحبتي تعبانة شوية قلت ايه أما أعمل معاها حركة جدعنة وأروح أزورها باكلمها في التليفون لقيت صوتها ضايع خالص باقولها أجيلك وأجيبلك معايا برتقال قالتلي لأ عندنا برتقال هاتي موز
:D
فأنا إيه بقى باموت في الكشري قلت خلاص أنا مش هاجيبلها موز وهاجيب علبتين كشري ونديها كشري
يا عيني البنت أول ما شمت الريحة بس كانت هتنهار مني
ما هو صحيح حد يجيب لحد عيان كشري
المهم انتم عارفين المثل اللي بيقول يا بخت من زار وخفف أهو ده بقى بالذات أنا ماكنتش باطبقه خالص يا دوب اقعدت عندها حوالي ساعتين وقلت إيه بقى أخليها خفيفة وبلاش أبقى تقيلة على حد وروحت ماشية
حلو أوي الكلام ده فين بقى المشكلة اللي هاتكلم عنها
:D
المشكلة في طريق الذهاب والعودة
بجد أنا إتأكدت إن مصر لا تحترم شعبها الطيب الصبور المهاود
بجد الشوارع وحشة أوي يعني من كام شهر كده كنت باروحلها كانوا بدأوا في مشروع في المنطقة دي وحفر وبهدلة فظيعة في الشارع واروح النهارده والاقي الحال كما هو عليه بس من غير عمال سايبين الشارع كده وكمان اللي كانوا مطلعينه من الارض متكوم على جنب بجد ما ينفعش اننا نهتم بمصر الجديدة ومدينة نصر والاماكن اللي الزوار بيجولنا فيها وننسى الأماكن الأهم اللي بيعيش فيها كمية كبيرة من
الناس
ففي واحده صاحبتي تانية باكلمها باقولها ايه اللي عاملينه في الشارع ده فبتقولي ان هي عندها نفس الموضوع عندهم في الشارع مكومين - أنا أسفة في اللي هاقوله - مخلفات الناس كلها " زباله يعني " - بس انا زي ما تقولوا محرجة اكتبها -
وكل منطقة تقول دي مش بتاعتي ومش عايزة تشيلها
ده بقى غير الشوارع نفسها مش مظبوطة الواحد حاسس انه في خلاط وهو بيمشى في الشوارع دي
أنا مش عايزة أذكر مناطق لان ده في اغلب مناطق مصر
كل اللي الإنسان عايزه في الدنيا ايه غير إنه يعيش في مكان يحترمه ويحترم آدميته
إمبارح كان ليا واحده صاحبتي تعبانة شوية قلت ايه أما أعمل معاها حركة جدعنة وأروح أزورها باكلمها في التليفون لقيت صوتها ضايع خالص باقولها أجيلك وأجيبلك معايا برتقال قالتلي لأ عندنا برتقال هاتي موز
:D
فأنا إيه بقى باموت في الكشري قلت خلاص أنا مش هاجيبلها موز وهاجيب علبتين كشري ونديها كشري
يا عيني البنت أول ما شمت الريحة بس كانت هتنهار مني
ما هو صحيح حد يجيب لحد عيان كشري
المهم انتم عارفين المثل اللي بيقول يا بخت من زار وخفف أهو ده بقى بالذات أنا ماكنتش باطبقه خالص يا دوب اقعدت عندها حوالي ساعتين وقلت إيه بقى أخليها خفيفة وبلاش أبقى تقيلة على حد وروحت ماشية
حلو أوي الكلام ده فين بقى المشكلة اللي هاتكلم عنها
:D
المشكلة في طريق الذهاب والعودة
بجد أنا إتأكدت إن مصر لا تحترم شعبها الطيب الصبور المهاود
بجد الشوارع وحشة أوي يعني من كام شهر كده كنت باروحلها كانوا بدأوا في مشروع في المنطقة دي وحفر وبهدلة فظيعة في الشارع واروح النهارده والاقي الحال كما هو عليه بس من غير عمال سايبين الشارع كده وكمان اللي كانوا مطلعينه من الارض متكوم على جنب بجد ما ينفعش اننا نهتم بمصر الجديدة ومدينة نصر والاماكن اللي الزوار بيجولنا فيها وننسى الأماكن الأهم اللي بيعيش فيها كمية كبيرة من
الناس
ففي واحده صاحبتي تانية باكلمها باقولها ايه اللي عاملينه في الشارع ده فبتقولي ان هي عندها نفس الموضوع عندهم في الشارع مكومين - أنا أسفة في اللي هاقوله - مخلفات الناس كلها " زباله يعني " - بس انا زي ما تقولوا محرجة اكتبها -
وكل منطقة تقول دي مش بتاعتي ومش عايزة تشيلها
ده بقى غير الشوارع نفسها مش مظبوطة الواحد حاسس انه في خلاط وهو بيمشى في الشوارع دي
أنا مش عايزة أذكر مناطق لان ده في اغلب مناطق مصر
كل اللي الإنسان عايزه في الدنيا ايه غير إنه يعيش في مكان يحترمه ويحترم آدميته
1 comments:
المشكله حتي مش في ان هما يشيلوها المشكله الاكبر ان احنا نلاقي مكان نرمي فيه اي حاجه عاوزين نرميها ممكن تكون منديل ، طبعا ده مش سبب كافي اني عشان مش لاقي سله مهملات اقوم ارمي ف الشارع و اكيد بتكون النتيجه اني ارمي الحاجه ف الشنطه لحد ما الشنطه بقت هي سله المهملات و ده مش في اماكن و اماكن لا.. يمكن انا بازور مناطق كتير عشان في قرايبي ساكنين في مدينه نصر بعيد بس فعلا ماشفتش و لا سله مهملات واحده
Post a Comment